speedunlimited.org 200705

"柒"情上面

2007.05.31 02:13

周不時見到一個現象,
Ｄ人無論出街,搭車講手提電話時..
點解鍾意一手揸電話講緊,另一隻手動作多多?
就好似通話o既另一方響イ巨對面咁～
仲要係大大聲方死第三者或以外o既街外人聽唔到咁..
認真吹脤!

好突然
今早收到YOGO SMS話坂井泉水死左,之後上日本網睇新聞,
噢!NO！
真係唔敢相信係事實・・

坂井泉水(蒲池幸子),真係一生都充滿傳奇啊!
由賽車女郎開始出道,拍過大胆寫真集,到ZARD組成,神神秘秘好多年,2004年先開第一次演唱會,上年年尾先出15週年精選,寫真集,上年6月子宮頸癌,其後發現癌開始向肺部擴散,今年4月再去醫院,療養緊之際,點知,晨運後返病房途中因天雨路滑在三米高階梯跌死左・・
原定今年秋天會出碟,但・・
真係好可惜,坂井泉水把聲好動聽,我聽イ巨唱歌都係因為以前響TOKYO EXPRESS幫襯時識到幾位起碼大我10年以上o既ZARD FANS,包括埋TOKYO EXPRESS老闆,而我o既第一隻ZARD大碟都係響TOKYO EXPRESS度買,我仲記得老闆話自己保存左幾本蒲池幸子寫真集,當時イ巨仲話本寫真集響日本抄到10萬YEN,我今日身痕上日本AUCTION網度睇,嘩!本寫真集依家係市値..
301,000YEN
呀!仲要有人bid架!人地發緊死人財・・

相信呢幾日響香港同日本都會有好多人買ZARD o既o野咯・・
ORICON CHART響未來一定有好多ZARD o既碟同DVD上榜哩・・

カテゴリ → 雑談 | トラックバック(0) | コメント(4) |

野蠻C-LINE!

2007.05.27 17:17

香港真係勁多野蠻C-LINE!

我買麪包之麻,盤上已經夾左幾件架啦,C-LINE必個身位埋黎,差d整到我盤上d包跌晒..我頭頭都算啦當イ巨無意!之但係之後イ巨再來一鑊蟹式歩法令到我盤上d包再度陷於險境時..我忍唔住啦!

セーラーＣ : 睇住呀你!
野蠻C-LINE : 係你唔睇住之麻!
セーラーＣ : 一次又係咁2次又係咁!
野蠻C-LINE : 係你自己迫埋黎之麻!
セーラーＣ : 我拿麪包時你已經必埋o黎先啦,仲響度阿枝阿左!
野蠻C-LINE : GFBFDGBG(唔記得條野蠻C-LINE講咩野!)
セーラーＣ : 搞電話就搞電話啦,阻Ｑ住晒,不知所謂!(條野蠻C-LINE當時一隻手拿盤,一隻手響度玩電話)
野蠻C-LINE : 係你自己迫埋黎之麻..(講來講去又係呢句!)
セーラーＣ : 呢d咁o既死八婆呀!(可惜イ巨聽唔到..！)

至憎呢d野蠻C-LINE架啦!講野鬼咁蠻,仲要C-LINE獨有o既聲線就更加..
真係
「巴士有阿叔、餅店有師奶!」
香港之恥!

カテゴリ → 個人情報 | トラックバック(0) | コメント(6) |

酷熱天氣警告

2007.05.27 02:27

天文台發出的天氣預報，市區氣温中午一度升至攝氏32.5度，新界北部更升至33度。天文台中午發出今年首個酷熱天氣警告

咁我o個度咪差唔多有40度咯..

天熱沖涼理應係賞心樂事～
之但係沖完涼抹完身後又痴立立就・・
依家攪到要拿把扇去廁所潑涼自己・・

媽呀～
廁所可以裝冷氣嗎?

カテゴリ → 個人情報 | トラックバック(0) | コメント(2) |

おなら体操

2007.05.25 03:23

上野樹里唱歌就好似・・
做緊戲咁～
認真搞鬼:P

由動畫版聲優唱o既「恋のＧカップ」幾好聽啊!

カテゴリ → 雑談 | トラックバック(0) | コメント(0) |

"火局"死..

2007.05.24 03:11

今日真係勁熱,
訓醒覺"痴立立"頂唔順要去沖涼,
沖完涼之後又"痴立立",
換衫返工時又係"痴立立"
返到鋪頭個場無冷氣..
響三十幾度高温o既鋪内,我幾乎暈低...

諗起聽日返工就想喊!

カテゴリ → 個人情報 | トラックバック(0) | コメント(7) |

妖～

2007.05.23 03:16

繼擒晩俾大強嚇嚇之後・・
剛剛又聽到・・
由遠到近・・
一望・・
又有o野啦!
飛下飛下添仲・・
睇真Ｄ・・
甲虫呀!
好想死・・

カテゴリ → SPEED UNLIMITED 公報 | トラックバック(0) | コメント(11) |

天呀～

2007.05.22 02:03

天呀～
點解次次都係我!
・・・・
夜晩,諗住間屋通爽Ｄ,點知打開大門口就出事啦!
大強殺到・・・・
個個訓晒覺,我叫人o黎又怕太遲大強鼠埋第2度繁殖下一代・・・・
只好又係自己o黎・・・・
今次我又係用絶招・・・・飛拖鞋!
大強周圍走,我要迥避イ巨,又想整死イ巨・・・・
拖鞋一飛,唔中
用另外一隻拖鞋再飛,又唔中
之後拿拿聲執番2隻拖鞋再飛過・・・・
第3次,睇定Ｄ再飛,又唔中啦!
第4次イ巨死啦!我掟中左啦!ＹＥＡＨ！
之後我捲左幾十格廁紙遮住隻大強打算等阿媽半夜去廁所時叫イ巨收屍・・・・
點知・・・・
過左2分鐘左右・・
大強復活呀!
之後我又好驚咁再次用絶招飛拖鞋o黎對付隻大強!
今次イ巨走得無之前咁快,好明顯早前大強受左我o既一擊・・
之後我用幾十格廁紙掉落隻大強度再打算用拖鞋"責"死イ巨・・
點知大強又走離我o既幾十格廁紙堆,我再掉廁紙,之後用拖鞋飛'責"死イ巨,為免大強2度復活,我重覆向廁紙堆位置"足采"左十幾o野・・之後再用阿媽o既涼鞋踏住廁紙堆・・
依家一切平靜・・

都唔知點解次次都係我見到Ｄ蛇虫鼠蟻・・

唉～剛剛我好似上戰場咁呀・・陰功・・

カテゴリ → 個人情報 | トラックバック(0) | コメント(4) |

日本の旅戦利品？

2007.05.21 01:26

之前講過,阿妹日本自由行,前幾日去完返o黎啦!
今日就提下阿妹買左咩野俾我啦~

買左我鍾意食o既o野俾我增肥...
↓嘩!呢樣o野我一向都勁鍾意食!

↓特別係呢隻期間限定新味道!正!(其實影相時經已俾我食清晒!幾乎想用自己條"利""損"埋裡面..)

↓勁彈牙o既蒟蒻!香港同台灣o個D..垃圾!

以上係我至愛!
基本上阿妹去日本前我叫阿妹唔好買咁多其他零食,因為我同阿妹都係食食下就唔多食o既人!除左上面我至愛..

↓仲有呢個!怪蕉呀＾ー＾

↓呢個係阿妹買俾自己!我影埋出o黎先!發泡膠kitty

仲有xxx等..

カテゴリ → 個人情報 | トラックバック(0) | コメント(0) |

蒸乾！

2007.05.19 02:39

如題

唔好訓..
好辛苦..

カテゴリ → 個人情報 | トラックバック(0) | コメント(2) |

中ノ森BANDＸcantwo

2007.05.17 03:30

唔...
可能細左ｄｄ．．

另外～我想講好耐..
ＡＹＡＫＯ塊面好飽滿 XD

カテゴリ → 中ノ森BAND | トラックバック(0) | コメント(4) |

高買..

2007.05.16 02:43

今日2度俾人高買..
再加埋阿老細老人痴呆收錯錢收小幾十蚊,變相令到件貨蝕左賣..

最抵死係イ巨擒日先睇住件貨標價158蚊..仲話我知人地賣緊140蚊..想我改價錢,但我無理,之後o個隻貨今日俾人高買左...剛好件貨有人問價,之後老細老人痴呆,破盡底價賣俾人!件貨仲收小幾十蚊...我去完廁所後老細問番我件貨係幾錢...我知悉後幾乎吐血...(吓!你擒日先話我知人地賣幾錢架喎!你頂晒都收人140蚊呀!點會仲要平多幾十蚊俾人呀?嘩!俾人高買之後再蝕住賣俾人...)老細當堂唔敢出聲...

做老細真係豪呀下!響批發拿貨唔睇價錢,亂咁拿貨!又隨口開價!
好老闆!

唉!破盡底價...益下D熟客好過啦!

カテゴリ → 雑談 | トラックバック(0) | コメント(5) |

燃えろ！熱血リズム魂　押忍！闘え！応援団2 !

2007.05.15 03:18

http://www.nintendo.co.jp/ds/ao2j/index.html
收到風香港今日會到貨啦!早過日本玩2日!
上次買左上集,無理由今次唔買架!

カテゴリ → 雑談 | トラックバック(0) | コメント(0) |

仁仁仁仁仁～仁絵呀～

2007.05.15 02:15

http://www.visionfactory.jp/movie/index.html
VISION MOVIE Vol.8
有好耐無見o既仁絵呀～
身型勁FIT呀!
仁絵老師玩 YOGA 好有成果啊!
仲有,仁絵6月14日出有關 YOGA o既書
Hitoeのny式ハタ・ヨガdvdレッスン
１，３６５円仲送埋ＤＶＤ添呀!
我一定會買!

カテゴリ → SPEED | トラックバック(0) | コメント(1) |

娘親日

2007.05.13 02:48

今日雖然係娘親日,之但係娘親同阿爹去左深圳喎～
而阿妹今日又飛啦～唔知我今日會訓到幾點哩?

雖然娘親日阿娘去左深圳玩(其實係游乾水!),但上星期日我同阿妹已經同娘親慶祝左啦!
娘親唔響屋企,我同阿妹借機就響背後講下娘親啦～

阿媽響我地細o個個陣時幾勁呀～
髮型師係イ巨!
牙醫又係イ巨!
醫生又係イ巨!
跌打又係イ巨呀!

髮型師 - o拿把跤剪剪齊我同阿妹個頭....
牙醫 - 打開個口睇下～搖兩搖一抽!甩左喎...
醫生 - 用手摸下個頭..你發燒呀!去藥房,執幾劑X歳o既退燒藥o黎呀!..
跌打 - 扭親呀!o拿枝跌打油大力摔....(呀!好痛呀～)摔到痛先好架!...

以上種種都係我同阿妹o既記憶...
娘親日快樂!祝娘親游乾水攞多D家用返o黎!

カテゴリ → 個人情報 | トラックバック(0) | コメント(0) |

搏命刷・・

2007.05.12 02:55

今日阿妹搵我朋友小熊洗牙～
小熊話我阿妹刷牙太大力..有D地方琺瑯質都"舌"埋..
我一聽到阿妹講番俾我聽,我就話"死啦!"..
唔記得左..上次小熊都係咁講我...
我係大力搏命刷..
因為習慣左,想輕手D都唔得...
之前已經用電動牙刷希望可以有D改善,點知自己隊枝電動牙刷落口度刷隻牙都"磨"好耐...又係"死啦!"
我好怕跟我一世o既牙就咁就焦焦呀～

カテゴリ → SPEED UNLIMITED 公報 | トラックバック(0) | コメント(3) |

肥與瘦

2007.05.10 03:45

點解..明明覺得自己肥左...今日都仲有朋友話我瘦左架!

我依家幾乎晩晩都大食宵夜...
今晩食完宵夜仲要去食甜品添呀..
見到自己身上多左D豬腩肉響D唔應該出現o既地方..
已經覺得好頭痛啦!
食又怕肥,唔食又胃痛加漂冷汗..
唉～

カテゴリ → 個人情報 | トラックバック(0) | コメント(7) |

今季日劇

2007.05.09 03:05

真係失望..
以為好好睇o既～麻麻地啦!
諗住唔方好睇o既劇～依然係唔好睇!

上戸彩o個套..原先都無期望會好睇,諗住睇下上戸彩都算啦!
但真係..
我唔想再睇落去啦!

カテゴリ → SPEED UNLIMITED 公報 | トラックバック(0) | コメント(6) |

日本自由行

2007.05.07 03:02

阿妹下星期去日本自由行...
唔..依家就好似我初初去日本咁....
要找晒由出發到回程所有路線啦,景點啦,食咩好o野啦,買咩o野啦,要一劑過 print 一堆資料,仲要加埋説明俾イ巨....最大問題係我阿妹一隻日文字都唔識,我又唔可以馬虎咁 print D資料就算..
依家阿妹就訓左覺啦,而我就....
唔得!
我要イ巨買o野俾我呀!

嘻嘻～

カテゴリ → 個人情報 | トラックバック(0) | コメント(4) |

病上腦!

2007.05.06 04:46

今日又聽到一對女子講o野...

A : 我想買keita隻碟呀～
B : 咁你買咯!
A : 但係日版水貨唔計ORICON榜架播..

C : (又係有病!)

係咪因為唔計ORICON榜的話就唔買碟聽呀?
若果真係咁想計呀,即刻買機票飛去日本大型CD鋪幫襯咯!又唔見即刻過去日本買!

支持自己偶像唔係咁架下....
個偶像有錢收咪得咯!
都係o個句～咁支持呀即刻買機票飛去日本買碟啦!

カテゴリ → 雑談 | トラックバック(0) | コメント(4) |

再坐一會!?

2007.05.04 03:25

大陸黄金週..果真會多Ｄ有問題人物落o黎香港架..
今日有一家大陸人o黎到鋪頭,女女睇緊o野,個老豆突然間好手快咁私自響我地個counter拿起張摺椅再放響我地counter前面僅有的行人路口位打開摺椅準備一個八月十五"得"落去之際....我老闆即使阻止條大陸人,然後指指張摺椅(張摺椅面寫住坐呢張椅係要罰500蚊!),條大陸人即時收番起イ巨個八月十五....之後仲要好唔滿意咁幫下我老闆,又望下我!而我哩～期間一路都無出聲,見到條大陸人望住我,我又望番イ巨!(我係以「你咁都得!」「簡直唔相信自己對眼睛」「懷疑」同「吓!」o既眼神眼光光咁望住條大陸男人,絶對無啤到イ巨!)
之後條大陸男人同個女講:阿女呀~第2度無得賣架咩?
再之後條大陸男人行出鋪外,而阿女選左2件貨o黎counter俾錢,我同イ巨講多謝晒,阿女仲同我講唔該晒添呀!
點解女女咁有禮貌咁有家教,反而個老豆咁XX架!

カテゴリ → 雑談 | トラックバック(0) | コメント(8) |